Jumat, 17 Mei 2013

Lagu Penyemangat Pejuang Atjeh Tempoe Doeloe



              HIKAYAT PRANG SABI

                Subhanallah Wahdahu Wa bihamdihi
                Khaliqul Badri Wallaili Aza Wajalla
                U Lon Pujo Poe Sidroe Poe
                Syukur Keu Rabbi  .. Ya Aini
                Keu Kamoe Neubri Beusuci Aceh Mulia

                                Tajak Prang Musoh Beu Runtoh Dum Sitre Nabi
                                Yang Meu Ungki Keu Rabbi Keu Poe Yang Esa
                                Meuso Han Tem Prang Syit Malang Ceulaka Tuboh
                                Rugo Roh, Syuruga Tan Roeh Rugo Roh Balah Neuraka

                Meunyo Nyang Tem Prang Syit Meunang Meutuah Tuboh
                Syuruga That Roeh Yang Leusoh Geubri Keu Gata
                Lindong Gata Sigala Yang Mujahidin  .. Mursalin
                Jeut-Jeut Mukim Ikeulim Aceh Seujahtra

                                Yang Meubahgia Seujahtra Syahid Dalam Prang
                                Allah Pulang  Dendayang Budiadari
                                Hoka Siwa Si Rawa Syahid Dalam Prang ..Nan Seunang
                                Geupeurab Rijang Peutamong Syuruga Tinggi

                Budiadari Meuriti Geudong Geupandang
                Geupreh Cut Abang Jak Meuprang Dalam Prang Sabi
                Hoka Judoe Rakan E Syahid Dalam Prang .. Nan Seunang
                Geupeurab Rijang Geupeuduek Ateuh Keurusi

                                Salam’alaikom  ’Alaikom Teungku Meutuah
                                Katroeh Neu Langkah Ya Allah Neuwoe Bak Kamoe
                                Amanah Nabi .. Lah Nabi  Hana Neu Ubah .. Neu Ubah
                                Syuruga Indah Ya Allah Pahla Prang Sabi

                Ureung Syahid Ya Allah Bek Ta Kheun Mate
                Beu That Beu Tanle Ya Allah Nyawong Lam Badan
                Ban Sare Keunong .. Lah Keunong Seunjata Kafe .. Lah Kafe
                Keunan Geujak Le Ya Allah Peumuda Seudang

                                Dimatlah Kipah .. Lah Kipah Saboh Bak Jaroe
                                Geupreh Judo Woe Ya Allah Dalam Prang Sabi
                                Syahid Di Sinan .. Di Sinan Geuba U Dalam .. U Dalam
                                Geupeuduek Sajan Ya Allah ateuh Keurusi

                Ija Puteh .. Lah Puteh Geusampoh Darah
                Ija Mirah Ya Allah Geusampoh Gaki
                Rupa Jih Puteh .. Lah Puteh Sang-Sang Beuleun Trang Di Awan
                Wate Ta Pandang Ya Allah Seunang Lam Hate

                                Darah Nyang Hanyi .. Nyang Hanyi Gadoeh Di Badan
                                Geuboeh Leu Tuhan Ya Allah Deungon Kasturi
                                Di Kamoe Aceh .. Lah Aceh Darah Peujuang ..Peujuang
                                Neubri Beu Meunang Ya Allah Aceh Mulia